Men Seni Sevaman kapalak bo'lib,
Seni axtaraman ochilgan guldan.
Men Seni Sevaman bir gul misoli,
Madhingni tinglayman xofiz bulbuldan.
Men Seni Sevaman soylarda oqib,
Dengizim, Sen tomon suzaveraman.
Men Seni Sevaman Majnun misoli,
Sahrolarda kezib izlayveraman.
Men Seni Sevaman quyosh misoli,
Nurga to'ldiraman bag'ringni har tong.
Men Seni Sevaman oftob misoli,
Osmonim, poyinga tiz cho'kib har shom.
Men Seni Sevaman sherlarim bilan,
Yuragim xonishi baytlarda oshkor.
Men Seni Sevaman bor qalbim bilan,
Faqat Seni qo'msar takror va takror...
Men Seni Sevaman har dam sog'inib,
Bizlarni ayirgan vaqtni tilkalab.
Kutganim, kutaman to diydorgacha,
Baxtim deb gulim deb seni erkalab.
Men Seni Sevaman o'zimdan ortiq,
Jon so'ra jonimni beraman so'zsiz,
Borimni, yo'g'imni qilarman tortiq,
Rang barang dunyo ham kerakmas Sansiz.
Men Seni Sevaman to o'lgunimcha,
Ne qilay sevgimdan voz kecholmasam
. Men Seni Sevaman umr o'tguncha,
Muhabbat dardini tark etolmasdan.
Men Seni Sevaman qush kabi uchib,
Osmonim, bunchalar yiroqsan mendan
. Uchaman, uchaman samoni quchib,
Lekin hech kechmasman muhabbatimdan...
|
Всего: 28 
Новых за месяц: 0 
Администраторов: 2 
Модераторов: 0
Модератор форума: 0
Проверенных: 6 
Обычных юзеров: 17 
Девушек: 3 
Tepaga 